Sa Aking Mga Kumbulsyon: Mga Tula (5th Anniversary Collector's Edition) [Tagalog] - Blankong Bukas

Blankong Bukas

Mar 31, 2024

118

1 Min Read

Tayo’y mga taong walang pandamang natitira

Unti-unting nawawala siklab at init ng apoy

Sa ating mga buhay na masakit kung magbiro

At ang nakakapasong lamig ng blankong bukas

122Please respect copyright.ＰＥＮＡＮＡtZtNmRk71k

Hanggang kailan ba tayo magpapaanod

Sa agos ng rumaragasang pagdikta

Ng ating kapwa sa sariling kapalaran

Nang malunod sa kumunoy ng kabiguan

122Please respect copyright.ＰＥＮＡＮＡxqqV3X3O0V

Tayo’y mga hindi makaamoy ng bango ng tagumpay

Sapagkat nalalanghap natin ang ating mga responsibilidad

Handa tayong dumihan ang ating dalawang kamay

Makaalpas lamang sa hirap at makamit ang sarap

122Please respect copyright.ＰＥＮＡＮＡK6FjuEuBWF

Hanggang kailan ba natin titiisin ang baho

Sa pagtupad ng mga imposible nating pangarap

Dahil ito ang tingin nating tama at makatuwiran

Kahit ang malinis na konsensya’y hindi naniniwala

122Please respect copyright.ＰＥＮＡＮＡ9ruZtntgQ8

Tayo’y mga indibidwal na walang panlasa

Kundi ang asim ng paulit-ulit na pagsuko

Ang pagkawala ng anghang para lumaban

Mula sa masaklap na alat ng katotohanan

122Please respect copyright.ＰＥＮＡＮＡJw3vExhN2l

Hanggang kailan pipigilang masuka at masuya

Sa tamis ng mga ilusyon sa perpektong buhay

Nauuhaw tayo sa pangako ng magpakailanman

Pero tanging oras lang ang sadyang nakakaalam

122Please respect copyright.ＰＥＮＡＮＡ1e653V4rL1

Tayo’y mga pipi dahil hindi tayo nakasisiguro

Kung patas nga ba sa lahat ang kataas-taasan

Na sana’y hindi tayo wawasakin ng walang katiyakan

Na hindi magmamaliw ang pananampalataya sa kanya

122Please respect copyright.ＰＥＮＡＮＡCXGYua87Ne

Hanggang kailan ba tayo sisigaw ng tulong

Kung pakiramdam naming siya’y mahimbing sa pagtulog

Ibunton ang aming galit sa hindi namin maintindihan

Durugin ang pagmamahal sa iyong mga nakatagong plano

122Please respect copyright.ＰＥＮＡＮＡybnCuoEmUc

Tayo’y mga bingi sa tunog ng kinabukasan

Hadlang ang nakalipas na tahasang lumalamon

Ng ating pag-asa na matupad ang mga dasal

Sa lumikha ng mga bituin, langit at buwan

122Please respect copyright.ＰＥＮＡＮＡ9RDC1KivnV

Hanggang kailan ba tayo magiingay

Para sa mga bagay na hindi mababago

Sa halip ay hihinto pa tayo para punahin

Ang mga hindi natin matanggap at gusto

122Please respect copyright.ＰＥＮＡＮＡPFZszJTddx

Tayo’y mga bulag sa tahimik na gabi.

Pilit ginagamit ang ating mga kamay.

Para makapa ang hindi natin nakikita

Kaba sa puso kapag hangin ang nahahawakan

122Please respect copyright.ＰＥＮＡＮＡZ7wRcZXf3j

Hanggang kailan ba tayo makikipaglaro

Sa mga mumunting guhit sa ating mga palad

Dahil sawa na rin akong makiapaghabulan

Bilang tayang nakapiring sa mailap natadhana

ns216.73.216.239da2

0 likes Suggest Edits

Be the first to like this issue!

Blankong Bukas

REGISTER

LOGIN

Interface Language:

Story Language: